*في مكان آخر ودولة أخرى*
_اسبانيا، مدريد - 14:00 زوالاً - فيلا المرابط_
الضو ديال الشمس داخل من الشراجم الكبار وداير على الرخام الأبيض ديال الفيلا. الريحة ديال القهوة ديال زهور كتشم من بعيد.
---
*نائل*
دخل للدريسينغ، هز الساعة ديال "رولكس" كتلمع ف يدو.
كان لابس تيشرت بيضا لاصقة شوية على كتافو العراض، والسروال الكحل وسبرديلة بيضا. شعرو كان نازل على جبهتو، وحجبانو غلاض ومعقودين... البشرة سمرا والعينين كحلين - اللي يشوفهم مرة، ما ينساهمش.
هز سوارت طوموبيلتو BMW M4 كحلة وكيلعب بيهم بين صباعو... كتسمع غير صوت خطواتو.
منين سمع صوت فالكوزينة، رجع بخطواتو تقال. الوقف قدام باب نطق بصوت رجولي صباح الخير الوليدة
دورات زهور وجهها ليه وعينيها عامرين حنان. صباح الخير الحبيب ديالي، فقتي؟ أجي تفطر ولدي، راني وجدت ليك الفطور."
قرب، باس ليها راسها "الله يخليك ليا الوليدة."
مسحات على راسو "آمين حتى نتا أولدي.
الوليدة غنفطر برا. غير دي القهوة للواليد، غيكون كيستناك فالمكتب. وعشية بلا ما تستناوني غنتعطل... عندي اجتماع مع المستثمرين الجداد."
*زهور*: "واخا أحبيبي، رد البال لراسك وما تعطلش بزاف."
ه استأذن ومشى خارج. تسد من موراه باب الفيلا، ومن بعد ثواني تسمع صوت الـ BMW الكحلة منطلق بسرعة للوجهة ديالو .
---
*فوق - المكتب ديال الحاج عمر*
طلعات زهور فالدرج للمكتب ديال راجلها عمر المرابط. دخلات لقاتو خاشي راسو فالملفات ديال شركة "المرابط القابضة". النظاظر نازلين على نيفو، والتجاعيد ديال التركيز باينين فجبهتو.
مشات عندو، حيدات ليه الوراق من يدو بلا ما تستأذن. هادي غير الزوجة اللي عندها الحق تديرها.
"عطي الراسك الراحة... راه نائل مكلف دابا بالخدمة. هاك القهوة قبل ما تبرد."
هز عمر راسو شاف فعنها، ونطق شكرا . شد من عندها الكاس وشم ريحة القهوة ديالها.
شرب جغمة تنهد وقال بصوت واقف: "ولدنا كبر..."
جلسات زهور حداه على المكتب وجوبتو "آه الله يرضى عليه.".......
مدريد 14:30 زوالا - مقهى "لاراما"فحي سلامانكا
نائل وصل بال BMW M4 الديالو حطها عند الباركيينغ ديال المقهى و ال"فاليا" ديالهم جرى عندو حل ليه الباب .
دخل المقهى ،الجو هيبة .المستثمرين الاسبان لابسين البدلات الغالية ،وكيهدرو بصوت منخفض.
مشى داخل كانو وجدو ليه الطبلة فين يجلس كانو تمى بعض المستثمرين كايتسناوه،
منين شافوه داخل ،كلشي وقف .
داز وسطهم .بخطزاتو تقال،وجهو معقود .
كلشي :"Señor Nael ,bienvenido" ومدو يدهم للسلام ،
رد نائل السلام بيد وحدة ،شاف فيهم كاملين بعينيه الكحلين و عطاهم إشارة بيدو:"جلسو".
جلسو كاملين باحترام ، نائل حيد الساعة ديالو "رولكس" حطها على الطبلة .....بدا كيقلب فالملف ديال الصفقة بلا ما يهدر .
من بعد دقيقتين ،بالضبط .... الباب ديال المقهى تحل .
الجو تبدل
دخل هارون ، كان لابس كوستيم كحل ديال "أرماني" تقدم بخطوات سريعة مشى للطبلة ديال نائل.
المستثمرين شافو فيه باستغراب ...شكون هادا اللي جاي متأخر على الاجتماع نائل المرابط ؟ هارون جلس قبالة نائل مباشرة ،العين فالعين .
هارون: بصوت روجلي" سلام نائل و كنعتدر على تأخر ديالي ".
السكوت ضرب المقهى ، المستثمرين حبسو الهضرة .
نائل: هز راسو من الوراق ، العين ديالو بردات على هارون ،بصوت روجلي خشين كيقطع " منبغيس تعاود الوقت الخدمة محدود ،والدقيقة عند المرابط كتسوى ...
حط القلم على الوراق "طاك"،
هارون :بلع ريقو ،عرف باللي بدا بالغلاط ،ولكن ماحناش راسو :عندي الحق نتأخر حيت الطريق اللي جيت منها كانت أطول من طريقكم كاملين .
عقد نائل حجبانو كتر . المستثمرين تبادلو النظرات ...هادا أول واحد يهدر معه بهد الطريقة ،
نائل ما غضبش عليه ،غير قرب ليه شوية و همس ليه ، "الطريق اللي جيتي منها نتا ،قطعناها حنا قبل ما نتا تزيد .فـ مدريد كاين قانون واحد : الوقت ديالي ما كيتعوضش."
شاف فالمستثمرين وعاد كمل بصوت عالي باش الكل يسمع :"ولكن بما أنك جيتي نهدرو فالخدمة ،عندك 5 دقائق تقنعني علاش نخلي شركة المرابط تلوح فلوسها معك .
حط الساعة ديالو قدام هارون .
"الوقت بدا ......دقيقة من دابا ."
المقهى كاملة ولات كتفرج ،هارون فوسط الحلبة ،و نائل هو الحكم .
السكوت ديال نائل أخطر من أي سؤال ،والساعة ديالو كتدور قدام عين هارون .
:بداء كيطبطب صباعو على الطبلة ...طاك....طاك....طاك.
"4 دقائق و58 ثانية هضر ولا خرج ."
المستثمرين كاملين سكتو ،حتى القهوة بردات فالفناجن .
هارون :خدى نفس عميق ،جيت لعندك ماشي على قبل فلوسك جيت حيت نتا لي قدر تعوني فهاد لحظة حط ليه واحد الملف الشخصي.
نائل: لقى نضرة على داك الملف ماهدرش فالاول ،غير شاف فعينين هارون مدة طويلة ،من بعد هز الفنجان ديال القهوة اللي برد ،شرب جعمة ،حطو ....وقف .
المستثمرين وقفو حتى هما كيستناو شنو ادير .
نائل مد يدو الهارون ،اليد ديال الخدمة ، قاصحة وفيها العروق .
نائل بصوت روجلي فيه الاحترام ديال الراجل للراجل .
"الوقت سالا .... ولكين الهضرة ديالك وصلات ."
تصافحو .
نائل بعد على هارون وشاف فالمستثمرين:"الاشتماع ديال اليوم سلا، واللي باغي يخدم مع المرابط ،خاصو يكون راجل .
جلس وعطا إشارة للنادل :"جيب قهوة جديدة.
----نرجعو المغرب "طنجة"
دازت دقايق.
الكونتور برا "بيب بيب" ديال الكلاكصون. وصلو جوج طوموبيلات.
الطوموبيل الأولى كانت فيها عائلة الغماري: يوسف وعنبر وعائشة.
الطوموبيل التانية فيها عائلة الزروالي: حليمة وجاد وصوفيا.
نزلو ووقفو حدا الباب دقو ولو مكاينش حس فالدار.
عائشة كانت متحمسة و كتعيط بجهد "قسم فتحي الباب! راه وصلنا!"
ماكاين حتى جواب.
دقات عاودات . "قسم؟ هارون؟"
القلب ديالها حس بالحاجة. جبدات حليمة الساروت الاحتياطي وعطاتو ليها هكي ابتي فتحي شداتو من عندها وفتحات.
الباب تحل ملقاو حد فالدار. مشاو جلسو فالصالون وعائشة طلعات لبيت النعاس.
حلت الباب وتصدمات من المنظر اللي كيحرق فالقلب.
كانت مرمية فالأرض، والدم كيخرج من يدها.
عائشة صرخات بجهد: "يا ربي سترك! آمبلونس !"
يتبع.......